Sannleikurinn um soja
Það er ekki sama hvernig soja er meðhöndlað. Ef rétt er staðið að vinnslu þess hefur það sérlega góð áhrif á breytingaskeiðinu, á blöðruhálskirtilinn, hjartað, beinin og margt annað.
Margir vita að í Austurlöndum fjær, eins og í Japan, Kína og Kóreu er mun minna gengi svokallaðra nútíma- eða lífstílssjúkdóma. Marga vísindamenn grunar að svarið gætið legið í mikilli neyslu á sojaafurðum í þessum löndum. Sérstaklega er horft til næringarefna sem finnast í sojaafurðum og eru í daglegu tali kallaðir ísóflavón (isoflavones). Meira en 1000 vísindalegar rannsóknir hafa verið birtar um sojaísóflavón þar á meðal á vegum National Cancer Institute í Bandaríkjunum og Landbúnaðarráðuneyti Bandaríkjanna.
Til þessa hafa rannsóknarniðurstöður sýnt að soja mildar erfið einkennibreytingaskeiðsins, styrkir beinmassa, ýtir undir heilbrigði hjarta- og æðakerfisins og dregur úr hættunni á hormónatengdu krabbameini (þar með talið blöðruhálskirtilskrabbameini). Sem dæmi birtu ítalskir vísindamenn rannsóknarskýrslu í Obstetrics og Gynecology (Ritun: Fæðingar- og kvensjúkdómafræði) þess efnis að konur sem neytt höfðu soja í 12 vikur fá allt að 45% sjaldnar hitakóf en þær sem ekki neyttu soja.
Hvað eru soja ísóflavónar? Þrír virkir soja ísóflavónar heita genstein, diadzein og glycitein. Hvert þessara efna er gætt sérstökum eiginleikum. Hingað til hefur þó genstein verið helsta viðfangsefni vísindamanna. Soja inniheldur einnig ísóflavóna sem ekki eru virkir en þeir heita diadzin, genstin og glycitin. Þessi ísóflavón verða aðeins virk í líkamanum ef sojað hefur verið sýrt eða gerjað eða þegar bakteríuflóru líkamans tekst að brjóta þá niður á leið sinni í gegnum metingafærin. Þetta skiptir máli því mörg fyrirtæki telja upp alla ísóflavóna í sojavörnunum sínum á meðan aðeins virku ísóflavónarnir skipta máli.
Ekki allar sojavörur góðar fyrir heilsuna Á Vesturlöndum er að finna mikla breidd ýmissa sojaafurða ss. sojamjólk, sojadrykki ýmiskonar, sojabrauð ofl, sem og austræna fæðu eins og tófú. En þar sem Vesturlandabúar eru óvanir sojabaununum upplifa þeir oft vindgang og önnur óþægindi þegar þeir neyta þeirrar. Gerjuð sojafæða eins og miso, tempeh (gerjað tófu) og natto (gerjaðar sojabaunir) henta meltingunni best.
Ógerjað soja (þar á meðal tofu) inniheldur efni sem hamlar meltingu á prótíni, haemagglutinin (HA) sem veldur því að rauð blóðkorn safnast saman. Þessu má afstýra hafi sojað verið gerjað.
Soja inniheldur einnig plöntusýru sem hindrar upptöku snefilefna eins og kalks, magnesíums, járns og sinks. Þótt margar tegundir grjóna og belgjurta innihaldi einnig plöntusýru er innihald þess í soja með því hærra sem þekkist. Þegar soja er gerjað dregur hins vegar verulega úr þessari plöntusýru. Þetta hafa Japanir vitað um aldir og þess vegna gerja þeir sojað til þess að njóta þess besta sem það hefur upp á að bjóða.
Ávinningur gerjunar Vísindamenn hafa komist að því að ólíkt ógerjuðu soja er gerjað soja ríkt af genistein og öðrum virkum ísóflavónum. Það er vegna þess að efnið sem notað er til gerjunar, Saccharomyces cerevisiae, hreinlega klippir á sykursameindir óvirku ísóflavónanna, svo þeir verða virkir.
Þetta er ástæðan fyrir því að bætiefnið Soygen™ , sem búið er til úr gerjuðu soja (sem ekki hefur verið erfðabreytt) geymir mesta magn virkra ísóflavóna sem völ er á.
Við gerjunina er beitt bestu og vönduðustu líftækni sem völ er á, sem byggir á fornri gerjunartækni. Þessi aðferð framkallar raunar virku ísóflávónanna og gerir það að verkum að Soygen™ geymir 200 sinnum meira genistein en tófú.
Þrjár til sex töflur af Soygen™ geyma jafnmikið genistein og venjulegur Japani innbyrðir daglega. Þetta er því besta uppspretta genisteins sem völ er á.
Nokkur fyrirtæki bjóða nú upp á genistein bætiefni sem hafa verið einangruð úr sojabaunum. Það eykur hættuna á því inntaka þeirra verði alltof mikil, og langt umfram það sem Japanir hafa neytt árum saman. Miklu betri kostur er að neyta soja með sínum eðlilegu efnasamböndum, og flestar rannsóknir benda til þess að genistein sé ekki nándar nærri eins gott einangrað. Eins og áður sagði eru tvær tegundir af virkum ísóflavónum til viðbótar að finna í sojabaunum en saman virka þær langbest á líkamann.
Hvað með gerjun og candida? Þegar gerjunin hefur átt sér stað er ensímum úr ananas og papaya bætt við til þess að brjóta niður fjölkeðja prótínin í sojanu, sem um leið brýtur niður gersveppaflóruna. Þar sem fjölkeðja sambönd eru almennt þau efni sem valda ofnæmi, eða gersveppaóþoli, er engin hætta á því þegar Soyagen™ er neytt.
Soyagen™ inniheldur einnig E-vítamín, lífsnauðsynlegu fitusýrurnar Omega 3 og 6 og amínósýrur. Það inniheldur einnig 2 mg beta glutans, sem tiltölulega nýlega var uppgötvað að verndi ónæmiskerfið. Mikil umræða á sér stað um það í Bandaríkjunum um þessar mundir.
Að lokum má benda á að mikilvægt að gera sér grein fyrir að sojaísóflavón eru ekki eingöngu góð fyrir konur. Sýnt hefur verið fram á að genistein og diadzein geta verndað karlmenn gegn blöðruhálskirtilskrabbameini.
Soyagen™ er frá heilsuvörufyrirtækinu Higher Nature. Einnig er að finna samskonar en sterkara bætiefni frá Higher Nature sem heitir SuperPotency Soyagen. Taka þarf eina töflu á dag en 3 af Soyagen™ til þess að innbyrða sama magn.
Bæði þessi bætiefni eru unnin úr lífrænt ræktuðu heilu soja og hafa verið formelt með ananas og papaya.
Önnur frábær bætiefni sem draga verulega úr einkennum breytingarskeiðsins eru
Femal en meginuppistaðan í því eru hefðbundin og lífræn frjóduft og frjóþykkni og E-vítamín.
Kvennablómin frá Heilsu inniheldur blöndu soja ísóflavóna, Dong Quai, salvíu, Wild Yam, Royal Jelly, náttljósaolíu, kalks, magnesíums, E- og B-6- vítamíns. Að ógleymdu
Efamoli (kvöldvorrósarolíunni) sem margar íslenskar konur hafa afar góða reynslu af en mýmargar rannsóknir styðja að inntaka þess gagnast konum á breytingarskeiði. Það bætir einnig upptöku kalks.
Sojaísóflavón og beinheilsa Sojaísóflavónar eru hið náttúrulega estrógen, eða það sem við þekkjum sem plöntuestrógen. Plöntuestrógen býr yfir þeim einstöku eiginleikum að geta hækkað magn estrógens í líkamanum, ef það hefur verið of lágt. Og það getur líka komið estrógeni í eðlilegt horf hafi það verið of mikið. Um leið og það kemur jafnvægi á estrógenbúskap líkamans, styrkir það einnig bein og vinnur gegn beinþynningu.
Sojaísóflavón og einkenni breytingaskeiðsins Vegna estrógeneiginleika ísóflavóna hefur það sömu virkni og HRT (Hormone Replacement Therapy). Konur sem neyta ísóflavóna finna minna fyrir hitakófum, fá sjaldnar höfuðverk, auk þess sem það dregur úr beinþynningu. Sojaísóflavónar er tilvalið að neyta með náttúrulegu prógesteróni, sem einnig dregur úr einkennum breytingaaldursins og minnkar beinþynningu. Sojaplöntuestragon er þó ekki staðgengill náttúrulegs prógesteróns. Það er mikilvægt að viðhalda báðum þessum hormónum því saman vinna þau að hormónajafnvægi líkamans.
Sojaísóflavón og hjartað Frá vísindalegu sjónarhorni, virðast ísóflavónar helsta ástæða þess að sojabaunir virka svo vel gegn hjarta- og æðasjúkdómum. Rannsóknir hafa sýnt að í soja eru andoxanunarefni sem hjálpaekki einungis við að draga úr LDL (vonda kólesterólinu) heldur eykur auk þess HDL (góða kólesterólið).
Sojaísóflavón og krabbamein Smátt og smátt hafa vísindamenn verið að tengja saman ísóflavón og lægri tíðni ýmissa tegunda krabbameina. Þeir telja líkur á að ísóflavónar dragi talsvert úr tíðni brjósta-, blöðruhálskirtils- og lungnakrabbameina, sem valda hvað flestum dauðsföllum á Vesturlöndum í dag.
Þessi grein birtist í Heilsupóstinum í febrúar 2009
Senda á Facebook