Baggu bag í stað plastpoka
Ódýrar og fallegar innkaupatöskur orðnar hátískuvara
Heilsuhúsið hefur haft um tíma í sölu á hina litríku og fallegu Baggubag pokum sem slegið hafa í gegn, ekki bara í tískuheiminum heldur líka meðal þeirra sem annt er um umhverfi sitt.
Fyrirtækið sem framleiðir Baggubag samanstendur af litlum hópi framúrskarandi hönnuða og frumkvöðla sem hafa þá hugsjón að leiðarljósi að góð hönnun eigi í senn að vera nothæf, falleg og á skaplegu verði. Markmið þeirra er að skapa fallega nytjavöru sem megi nota á margbreytilegan máta og jafnvel eiga í fleiri en einum lit.
Hópurinn leggur áherslu á fallega og bjarta liti, hátískuhönnun, gæðaefni sem auðvelt er að þvo og hagkvæma notkun.
Í raun er hugmyndin um hönnunina byggð á hinum hefðbundna plastpoka en ólíkt umhverfisspillandi plastpokum eru Baggubag pokarnir umhverfisvænir á allan hátt.
Þar sem Baggubag eru bæði endurnýtanlegir og hægt að nota á margan hátt draga þeir úr almennri sóun. Þótt stórir séu eru þeir í raun mjög fyrirferðalitlir og því má léttilega kippa þeim með í hverskonar erindagerðir og síðast en ekki síst eru þeir svo fallegir að margir kjósa þá sem hluta af heildarstíl sínum.
Vert er að geta þess að notkun á Baggubag í stað plastpoka í eitt ár kemur í staðinn fyrir sóun á allt að 300 til 700 einnota og óendurnýjanlegum plastpokum á mann. Þetta sýnir enn og aftur að ef margir leggjast á eitt getur margt smátt gert eitt stórt.
Á meðfylgjandi myndum má sjá fjölbreytta litaflóru Baggubag en þessir vinsælu fjölnota pokar hafa verið vinsælt umfjöllunarefni á síðum erlendu tískublaðanna að undanförnu og margar kvikmyndastjörnur hafa mært þá. Baggubag má nota hvort sem er sem innkaupapoka, sundtösku, undir skólabækurnar, á fundinn eða hvaðeina sem hverjum dettur í huga. Og það er um að gera að eiga poka í nokkrum litbrigðum.
Sjá nánar á baggubag.com
Senda á Facebook