Besta meðalið til þess að endurbyggja meltingarveginn
Vel virkt og heilbrigt meltingarkerfi er lífsnauðsynlegt góðri heilsu. En því miður eru þeir allt of margir sem þjást vegna lélegrar meltingar og afleiðingarnar geta verið slæmar; uppþemba, magaverkir, vindgangur, niðurgangur, hægðartregða, fæðuóþol og ýmis önnur meltingarvandmál. Ef ekkert er að gert geta í mörgum tilfellum komið upp sýkingar í þörmum sem að öllum líkindum valda langtímavandamálum, t.d. margs konar óþoli, bólgum í líkamanum, liðagigt og ýmis konar eitureinkennum. Á þessu má þó auðveldlega vinna bug með náttúrulegum hætti. Og oft kemur á óvart hve hið hversdagslega getur komið að góðum gagni.
Óreganó (kjarrmynta) er ein þessara fæðutegunda, eða jurta. Hún er hluti af hinni ilmríku Lamiacea fjölskyldu, en í þeirri fjölskyldu má finna mörg vinsæl eldhúskrydd svo sem tímían og salvíu, myntu og hjartafró (melissa). Flestar þessara jurta eiga sér sögu sem lækningajurtir. En áður en þú leitar í kryddskápinn er rétt að nefna að það er olían í óreganóinu, í sínum fjórum liðum; carvacrol, gammaterpinene, p-cymene og tymol; sem gera óreganóið að þeirri framúrskarandi heilsusamlegu jurt sem hún er.
Einnig öflugt andoxunarefni
Sé tekið mið af heilbrigðu jafnvægi þarmaflórunnar dregur óreganó úr vexti skaðlegra gersveppa eins og Candida, sníkjudýra, skaðlegra gerla og annara meinvalda. Það býr yfir máttugu og náttúrulegu sýklaeyðandi efni, sem er ástæðan fyrir upphaflegri notkun þess í mat í bland við bragðið. Auðvitað. Hinir náttúrulegu eiginleikar óreganós eru að koma á jafnvægi og viðhalda heilbrigðri meltingarflóru. Talið er að óreganó hamli uppþembu og vindgangi og svo virðist sem það sé líka gott fyrir ónæmiskerfið og öndunarveginn. Þar að auki hefur óreganó afar góða andoxunareiginleika og er mjög virkt á því sviði, enda andoxunarefnainnihald þess hærra en í nokkurri annari algengri jurt, samkvæmt nýlegum rannsóknum. Niðurstaðan er sú að óreganó er 42 sinnum andoxunarefnaríkara en epli og 4 sinnum andoxunarefnaríkara en bláber.
Ferðalangar viðhalda ánægjulegri meltingu
Til þess að ná góðri meltingarheilsu fer best á því að óreganós sé neytt með máltíðum og í sumum tilfellum er gott að taka hana inn rétt fyrir svefninn. Ekki er mælt með að ófrískar konur eða konur með barn á brjósti neyti óreganóolíu.
En þar sem óreganóolía er jafn öflug og raun ber vitni getur hún líka haft áhrif á vinveittu meltingargerlanna, þ.e.ef þú neytir hennar reglulega. Þá mælum við sérstaklega með neytt sé sterkra probiotic-gerla (asidófílus og félaga) meðfram.
Þeir sem þurfa beinlínis að endurbyggja meltinguna, til þess að koma henni aftur til heilsu í kjölfar ofvaxtar óvinveittu gerlanna, ættu að hafa fleiri bætiefni í huga meðan á uppbyggingarferlinu stendur. Þar mælum við sérstaklega með glútamíni sem auðveldar mjög að þarmarnir verði heilir á ný.
Það getur líka komið sér vel að hafa óreganó með á ferðalögum til þess að viðhalda ánægjulegri meltingu á meðan þú reynir fyrir þér í nýju matarræði sem er öðruvísi meðhöndlað og byggir á þarlendri flóru.
Óreganóolía býr yfir eftirfarandi eiginleikum:
- Viðheldur heilbrigðri meltingarflóru
- Viðheldur heilbrigðum öndunarvegi
- Er góð fyrir meltingu þeirra sem ferðast mikið
- 4 sinnum andoxunarefnaríkari en bláber
Ekki gleyma óreganeó í matargerð!
Auk þess að neyta óreganóolíunnar er upplagt að nota óreganó í eldamennskuna heima fyrir. Ferskt óreganó er mun sterkara og áhrifaríkara en þurrkað, einnig má sneiða það niður og frysta í loftþéttum umbúðum í allt að þrjá mánuði. Ef þið notið það þurrkað ættuð þið að geyma það í vel þéttum umbúðum á köldum og þurrum stað og ekki í mikilli dagsbirtu.
Þegar þið viljið nýta ykkur lækningareiginleika óreganós í matargerð er best að nota það við lok matreiðslunnar þar sem hiti getur eyðilagt gæði olíunnar. Líklega er óreganó þó hvað mest notað í tómatmaukið sem við setjum ofan á pítsurnar okkar. Jafn gott er að nota óreganó beint á pasta, til þess að marínera kjöt og fisk og til þess að sáldra yfir heimatilbúin brauð og eggjarétti. Prófið að setja nokkrar óreganógreinar í olífuolíu og geyma í um viku. Úr verður bragðgóð olía sem nota má út á salöt, brauð, gufusoðið grænmeti og margt fleira.
Byggt á grein e Christone Bailey MSc PGCE BNT sem birt var í tímariti Higher Nature. Frekari heimildir af www.naturalnews. com
Senda á Facebook