Aioli
Aioli er án efa ein frægasta sósa Provence. Aioli þýðir eiginlega hvítlauksolíusósa eða hvítlauksmajones. Gott hvítlauksmajones er frábært með saltfiski, köldu kjöti og soðnu grænmeti.
- 8 – 10 hvítlauksrif (fer eftir stærð rifjanna)
- 5 dl. Il Raccolto olífuolía
- 2 eggjarauður
- 1 tsk. salt
- 1 msk. sítrónusafi
Merjið hvítlauksrifin og saltið í morteli þar til það er orðið að mauki.
Setjið hvítlaukinn í skál (í matvinnsluvél eða hrærivél). Hrærið eggjarauðunum saman við. Blandið ólífuolíunni í dropavís saman við hvítlaukinn og eggjarauðurnar á meðan stöðugt er hrært.
Að lokum er sítrónusafanum blandað saman við hvítlauksmajonesið.
Senda á Facebook