Ensk jólakaka með ávöxtum og hnetum
Þetta deig er í tvær kringlóttar kökur
- 300 g smjör eða jurtaolía
- 200 g hrásykur eða 2 dl Agave syrup
- 5 egg
- ½ dl soja mjólk
- 300 g speltmjöl
- 1 tsk. vínsteinslyftiduft
- 125 g rúsínur
- 125 g kúrennur
- 50 g þurrkaðar ferskjur
- 100 g gráfíkjur
- 50 g þurrkaðar döðlur
- 100 g súkkat
- 50 g orangeat í bréfum
- 12-14 st. kokteilkirsuber
- 200 g hnetur t.d. pecan og heslihnetur
Aðferð og meðhöndlun:
Skerið ávextina smátt og saxið hneturnar gróft.
Hrærið saman smjöri og sætuefni, hrærið eggjunum saman við, einu og einu í einu.
Soja mjólkin hrærð saman við.
Hrærið hluta af speltmjölinu saman við ávexti og hnetur.
Vínsteinslyftiduftið og restin af speltmjölinu er hrært út í deigið með sleif. Ávextirnir í speltmjöli eru síðan hrærðir rólega út í blönduna.
Smyrjið 2 kringlótt mót, deilið deiginu í mótin.
Hitið ofninn í 160° C, blásturofn í 140°C, bakið kökurnar neðst í ofninum í 2 klst.
Takið kökurnar úr ofninum, kælið, setjið á kökugrind og látið kólna alveg.
Köldum kökunum er síðan pakkað í álpappír, lokað vel og geymdar á köldum stað.
Algengt er að bragðbæta kökuna með því að dreypa yfir hana víni öðru hverju til jóla, t.d. sérrí, viskí eða rommi. Sumir byrja í vikunni fyrir jól, pikka í kökuna með fíngerðum prjóni, hella svo örlitlu af víni yfir hana daglega til jóla.
Einnig má hjúpa jólakökuna með marsipani og skreyta eftir smekk.
Senda á Facebook