Girnileg “Brownie” úr svörtum baunum
Ekki þarf alltaf hveiti eða annað mjöl í kökubakstur. Góðar lífrænar baunir geta vel komið í stað mjöls eins og t.d. í þessari girnilegu og bragðgóðu brúnku uppskrift eru eingöngu notaðar svartar baunir. Við mælum með lífrænt vottuðu Biona baunum sem eru mjög næringarríkar og seðjandi. En umfram allt þá bragðast þessi svartabaunasúkkulaðikaka alveg eins og besta brúnka.
Innihald:
1 dós niðursoðnar svartar baunir, frá Binoa sem eru án salts. (Þerrið þær og hreinsið)
3 stór egg
1/3 bolli brætt smjör
¼ bolli kakóduft
1/8 tsk. Himalaya salt
2 tsk vanilluduft
2 msk hrásykur
1/2 bolli 70% súkkulaði Vivani, brytjað niður
1/3 bolli saxaðar valhnetur
Forhitið ofninn við 175°. Smyrjið um 20 cm langt ferkantað brúnkuform. Blandið saman baunum, eggjum, bræddu smjöri, kakódufti, salti, vanillu og sykur í matvinnsluvél, uns til blandan verður slétt og mjúk. Hrærið þá saman við súkkulaðibitunum og valhnetunum með sleif. Færið blönduna yfir í bökunarformið og bakið í 30 til 35 mínútur, eða þar til hún hefur bakast inn að miðjunni. Kælið, skerið niður í rétta brúnkubita og berið fram.
Næringarinnihald: Hver brúnkubiti (ca 60 gr) inniheldur 150 hitaeiningar, þar af um það bil 75 gr. úr góðri fitu, 40 mg gott kólesteról, 30 mg natríum, 17 gr kolvetni (þar af 2 gr trefjar og 10 gr hrásykur) og 4 gr prótein.
Senda á Facebook