Gulrótarsúpa með engifer og klementínum
- 2 msk sólblómaolía
- 2 laukar, saxaðir
- 2 cm ferskur engifer, afhýddur og fínt skorinn
- 4-6 gulrætur (um 500 g), skornar í þunnar sneiðar
- 4 bollar grænmetissoð úr Plantaforce
- Safi úr 5 klementínum (um 3/4 bolli). Má líka vera mandarínu- eða appelsínusafi.
- Sjávarsalt og pipar úr kvörn
Steikið laukinn upp úr olíunni í potti þar til hann hefur fengið gyllta áferð. Bætið við engifer og gulrótum og steikið í nokkrar mínútur í viðbót. Grænmetissoðinu og klementínusafanum bætt út í, saltað og piprað eftir smekk. Náið upp suðu og sjóðið við vægan hita þar til gulræturnar eru orðnar meyrar (u.þ.b. 20 mínútur).
Sigtið soðið frá og geymið það. Maukið grænmetið í matvinnsluvél með örlitlu af soðinu. Bætið soðinu síðan út í þegar grænmetið hefur maukast að fullu og hrærið vel saman.
Hitið súpuna upp aftur ef þess gerist þörf. Berið fram skreytt með klementínu og/eða lime berki.
Senda á Facebook