Spelt pönnukökur með hlynsírópi
Pönnukökur og hlynsíróp í bústaðinn Góð leið til þess að gera öllum til geðs í sumarbústaðnum; börnum, fullorðnum, bragðlaukunum og heilsunni er að fá sér hollar amerískar pönnukökur úr spelti með hlynsírópi morgunmat. Í Heilsuhúsinu fæst nú afar gott lífrænt Maple sirup (hlynsíróp) frá Kanada sem hleypir ekki öllu í bál og brand í líkamanum þótt þess sé neytt í nokkuð ríkum mæli og einnig úrvalsspelt frá Doves farm sem og lífrænir bananar, ef vill til þess að fullkomna morgunmatinn.
Amerískar bráðhollar pönnukökur: - 100 g spelt frá Doves Farm
- ½ tsk vínsteinslyftiduft
- 1 egg
- 1 msk ólífuolía, helst lífræn
- 3 dl mjólk eða sojamjólk
Blandið þurrefnum saman, hrærið saman eggi, ólífuolíu og mjólk í aðra skál, hellið síðan út í þurrefnin og hrærið vel.
Steikið á vel heitri pönnu í ca. 30 sek á hvorri hlið (hafið að meðalstærð, ekki íslenskri pönnukökustærð).
Úr þessu fást um það bil 10 pönnukökur. Ef margir eru samankomnir í bústaðnum má margfalda uppskriftina.
Best er að fá sér eina pönnuköku í senn með nokkrum sneiðum af banönum og hella svo vænni slettu af lífrænu hlynsírópi yfir. Namm.
Senda á Facebook