Svartar baunir eru sérlaga seðjandi og ljúffengar. Þær eru mjög prótein- og trefjaríkar, en innihalda einnig mikið magnesíum, kalk og fleiri steinefni. Það sem kemur kannski á óvart er að í þeim er að finna töluvert magn lífsnauðsynlegra fitusýra, omega 3 og omega 6.
Svartbaunaborgari, 8 stk.
Innihald:
- 2 stk. Dósir af svörtum baunum frá Biona, skolaðar og þerraðar,
- 2 bollar (320 gr.) Sólgætis möndlur, fínhakkaðar í matvinnsluvél,eða Sólgætis möndlumjöl
- 6 stk. Vorlaukar gróft skornir
- 1 bolli Grófhakkað kóríander (u.þ.b. 3/4 askja)
- 1 stk. Paprika, gróft skorin
- 1 stk. Rauður eldpipar, gróft skorinn
- 1 stk. Hvítlauksrif, fínt saxað
- 1/2 stk. Sítróna, rifinn börkur og safi
- 1 stk. Límóna, rifinn börkur og safi af 1/2 límónu
- 1 sk Mulið cumin frá Sonnentor
- 2 tsk. Sterkt papriku krydd frá Sonnentor
- 1 msk. Kóríander duft frá Sonnentor
- 2 tsk. Maldon salt
- 1 stk. Egg
- 1 msk. Biona kókosolía / ólívuolía til að steikja upp úr
Aðferð:
- Skolið baunirnar í smástund og látið renna vel af þeim í sigti, þerrið aðeins með hreinu stykki eða bréfi
- Hakkið möndlurnar í matvinnsluvél þar til þær verða að mjöli
- Setjið restina í matvinnsluvélina, nema eggið, og púlsið nokkur skipti þar til allt er vel blandað og baun-ir-nar gróflega hakkaðar í blöndunni. Takið hræruna uppúr, setjið í skál, bætið egginu útí og blandið vel með höndum
- Búið til 8 kúlur og pressið í einskonar borgara, ca 1 cm þykka
- Hitið ofnin 170 gráður
- Hitið pönnu með kókos- eða ólífuolíu, hvað sem hentar best
- Gott er að steikja litla prufu til að smakka fyrst hvort bæta á við salti eða kryddi, steikið á miðlungshita í mínútu á hvorri hlið og setjið á plötu með smjörpappír.
- Bakið í ca 15-20 mín.
Gott er að bera borgarann fram með sætum kartöflum og hrásalati. LJúfengt er að snæða borgarann í stð kjötborgara í hamborgarabrauði eða kaldan með salati. Ekkert mál að frysta til að eiga tilbúna.
Verði ykkur að góðu
Uppskriftin er fengi hjá Kristínu Steinarsdóttur, Matreiðslumanni og næringafræðingi.
