Sólveig Sigurðardóttir lífstílsgúrú hefur haldið úti bloggi og facebooksíðu undir heitinu „Lífsstíll Sólveigar“. Hún notar vörurnar frá Sólgæti í sína matargerð. Vörur í matvörulínu Sólgætis eru vandlega valdar og merktar með upprunalandi svo neytendur vita hvaðan varan kemur. Hér er ein góð uppskrift frá Sólveigu sem allir í fjölskyldunni munu elska.
Þessi girnilega flatbaka er tilvalin þegar gera á vel við sig í morgunmat um helgar. Hún er uppáhald allra í fjölskyldunni og uppskriftin er súper einföld og fljótleg.
- 1/2 bolli haframjöl
- 1 banani meðalstór
- 2 tsk kókos hveiti
- (tilbúið eða kókosmjöl sett í blandara)
- 1 tsk Agave síróp eða hunang
- 1 tsk hnetusmjör
Aðferð
- Stappið bananann og hrærið svo öllu vel saman. Setjið blönduna á smjör-pappír á ofnplötu og mótið í hring.
- Bakist við 200°C. Snúið botninum eftir 8 mínútur og bakið aftur í 5 mínútur. Takið út og kælið.
Ofan á bökuna er sett grísk jógúrt (eða blanda af grískri jógúrt og AB-mjólk frá Örnu). Ávextir eftir smekk, t.d. kíví og bláber. Gott er að strá smá af Chia fræjum yfir.
Algjört sælgæti!
